LYRICS
作词 : Rejez/KEVSER
[00:14.0]مەن بۇ كېچىگە ئەسىر،
[00:31.6]زەرچە ئاداۋەت ئوت ئەنت،(ئىنتىقام)
[00:33.6]شۇ ۋەجىدىن، ئەۋجىدىن خەستە كۆڭلۈم دىخماردا ئازارغا بەنت
[00:51.1]بايانىم ئۈستىدە تەپەككۇر قاناتلىنىپ قانات قاقمىسۇن،
[02:33.6]بارچە يامانلىق ئادەملەر ئىچىدە، مەن يەنە نىمىگە تارتىشاي ھە ؟!
作曲 : Yilmaz
♬♪♬♪♬♪♬♪
Rejez
يالداما كۆزلۈرۈم بەسىر،
تۇرغۇنۇم مىسكىن قەسىر
كەپىچە خۇشاللىق قىلـمايدۇ تەسىر،
بۇ كېچىدە قايغۇم پۈتۈن، ئەمما ماڭا تەئەللۇق خۇشاللىق كەسىر،
مىنۇتچە ئۆتكەن تېنچ كۆڭلۈم، تامامەن غېرىپلىق سۈرگۈنگە ئەسىر
كۆڭلۈم قەنت،
يوق زىل پەنت،(ھىيلە)
بىر خارابە كەنت
كۆڭلۈم سانالسا كىم قىلىدۇ پىسەنت!؟
قانچە پىرسەنت!؟
پەقەت بۇ كېچە ئۆز قوينىغا ئالدى مېنى دەپ:«كەل بىچارەم پەرزەنت»
بايانىم ئۈستىدە تەپەككۇر قاناتىڭ باغلىنىپ بېشىڭ قاتمىسۇن،
جاۋاب ھەرۋاقىت تېپىشماق سۆزىدىن خېلىلا ئاددىي،
جاۋابىي جاكارىم ئاددىي ئىھتىياجىم ئەمەستۇر ماددىي
مەنىۋىي بۇكېچىنىڭ مەن ئاشىقىي ئىشقىدا مەپتۇن،
مەن ئەنسىز خىيالدا، دېرىزە تۈۋىدە ماڭا ھەمراھ ھەم زەرقۇن(بىر خىل مەنزىرە گۈلى)
تۇيماي تامچىتىپ قويىمەن تەشتەككە تامچە، ھوزۇردىن يالقۇن ،
گەرچە سۇغا تەشنا تۇرسىمۇ قۇرۇپ لېۋىم بىلەن قوشۇلۇپ ھەلقۇم،(كاناي)
NIJAT_YASIN
ئۆتتى ياندىشىپ كۈنلىرىمگە كۈن، ئۆتمۈش مەن كەبى مېنى ياد ئېتەرمۇ ؟
مەھكۇمى بولۇپ تاش ھەيكەلنىڭ، سىرتى ئۇز، ئىچىدە پەرياد ئېتەرمۇ؟
تەغدىرنىڭ قەلىمى يازسا قايتىدىن، شۇندىلا ئىچىمدىن دەردىم كېتەرمۇ ؟
كېچەم… ساڭىلا نالەم يېتەرمۇ ؟
KEVSER
ئېرىيدۇ رومكىغا تاشلىغان مۇز، ئېرىمەك پۈتۈلگەن دىلدا ئازار
يالغۇزلۇق ھەردائىم ھىكايە سوڭى(ئاخىرى) تەغدىرنىڭ مەنبەسى قارا بازار
سەسكەنگەچ مېنىڭدىن، ئايمۇ چىقمايدۇ، قورىماس كۆزلەردىن ئاسقان نازار (كۆز مۇنچاق )
قانچىلاپ كېچەمدە ھاراق قەدىناس ؟ ھاراقتا يۇيۇڭلار(مىيىتىمنى) يۈتكىچە مازار
ھارامىنى بىلەلمىدى دەيدۇ، بەرىكەت ھەرىكەتتىن كۆپرەك ھوسۇلىنى بەرسە ناۋادا
تەرىقەتكە باشلىسا مۈشكۈلات، تەغدىمى ساپايە، ئېرىشمەك بولغىنىڭ لەيلەر ھاۋادا
ئىستىدىم شادلىقنى كېچىدە رومكىدىن، بەدىنىم سارايدا سايەم چاۋادا
ئۆتمۈشۈم كۆيگەن ئىدى، ئەتىنىڭ كېمىسى ئاقتى لاۋادا
بۇ كېچىدە مەن چەكسىز يالغۇزلۇققا ھەيران،
كۈلكىدە جىق ئىدۇق، يول ئايرىپ چىقتۇق، ھازىر پەقەتلا ھاراق ماڭا ياۋرۇ- جەيلان
تەشنالىقىمغا تۇتمايدۇ ھېچكىم، كەل! دەپ بىر كاسە ئايران،
دەرتلىرىم مىسالى دېڭىزدا كۆپۈك، شۇنداق تۈگەيتى ئاخىرىدا مەن بولۇپ ۋەيران
يارىدار ئىدىم، داۋانى تاپقۇچە قان بىلەن يىرىڭدا بۇلغاندى يىلىك،
تەغدىرگە دېدىم :سول قولدا قىلىنغان سالاملىرىڭنى ئالمايمەن ئىلىك
كېچىنى سۆيدۈم، ھاراقلا بولسا دۇنيادا غەم يوق ھېچقانچىلىك
NIJAT_YASIN
ئۆتتى ياندىشىپ كۈنلىرىمگە كۈن، ئۆتمۈش مەن كەبى مېنى ياد ئېتەرمۇ ؟
مەھكۇمى بولۇپ تاش ھەيكەلنىڭ، سىرتى ئۇز، ئىچىدە پەرياد ئېتەرمۇ؟
تەغدىرنىڭ قەلىمى يازسا قايتىدىن، شۇندىلا ئىچىمدىن دەردىم كېتەرمۇ ؟
كېچەم… ساڭىلا نالەم يېتەرمۇ ؟