LYRICS
作词 : 才昂冷智
作曲 : Gene the Southern Child
[00:21.8]གངས་དཀར་པོའི་རྔམ་བརྗིད་དེ་རུམ་ནས།
[00:25.8]གཞས་ཕྲ་མོ་གཡང་རྟ་ལ་འགུགས་བཞིན།
[00:27.8]གར་སྟངས་སྟབས་མི་ཡུལ་ལ་བསྒྱུར་བའི།
[00:34.2]སེམས་པའི་ནང་སེམས་པ་རུམ་ནས།
[00:52.3]ཕུན་ཚོགས་སྡེ་བཞིའི་མངའ་ཐང་བཀུགས་ཡོད།
[00:56.6]ང་ཡི་སེམས་བསྐྱེད།
[01:04.4]ཁྱོད་ཀྱི་བློ་གྲོས།
[01:22.8]རྗེས་རབས་པ་ཡི་རྒྱང་བཞུད་ལམ་བུར་མཛུབ་སྟོན་རིག་པའི་འོད་སྣང་ཡོད།
[01:31.8]ང་ཚོས་ཉི་མ་ལ་ཁ་གཏད་ནས།
[01:34.0]འདས་པའི་ལོ་ཟླ་ལ་ཕྱིར་མིག་བལྟ།
[02:59.9]དགའ་སྤྲོའི་གཡུ་ལོ་ལྡེམ་ལྡེམ་ནགས་རྫོང་ལ་འཁོར་ཡོད།
གླུ་ཚིག་སྒྲིག་མཁན། རེ་འབོད།
རེབ་གོང་།
གཞས་ཚིག ཚེ་དབང་ལྷུན་གྲུབ།
གཞས་པ། རིག་རྡོར།
ཆུ་དྭངས་མོའི་བཞུར་རྒྱུན་དེ་སྲུང་ནས།
ང་དང་མི་རིགས་སྤུན་ཟླ།
ལོ་ནས་ལོ་དང་། ཟླ་ནས་ཟླ་ལ།
དགུ་ཆུ་སྔོན་མོའི་འགྲམ་རྒྱུད་དུ་འཛོམས་ཡོད།
མི་རིགས་མང་པོའི་བརྩེ་འདང་སྲུང་ཡོད།
ལག་པའི་ནང་ལག་པ་བཞག་ནས།
རིག་འབྱུང་ཡུལ་གྱི་མངའ་ཐང་སྤེལ་ཡོད།
ཡུལ་མི་སྤུན་ཟླ།
གཡང་ཁྱིམ་གྲུ་བཞིའི་སྒོ་ར་ནས།
སྦྲ་ནག་སྨུག་པོའི་ཁ་ཚུབ་ནས།
མཛའ་མཐུན་གྱི་རི་མོ་བྲིས་ཡོད།
ཞེ་འདང་གི་འོ་ཆུ་བསྐྱིལ་ཡོད།
ལས་བསོད་རླུང་གི་རྟ་བོར་བཅིབས་ནས།
རིག་པའི་མེ་ཏོག་ཐང་མར་བརྡལ་ནས།
མ་འོངས་མདུན་ལྗོངས་འོད་ཀྱིས་སྤྲས་ཡོད།
ཁྱོད་ཀྱི་བློ་གྲོས།
ཁོང་གི་ཕུན་ཚོགས།
ཁྱོད་ཀྱི་བློ་གྲོས།
ང་ཡི་སེམས་བསྐྱེད།
ཁོང་གི་ཕུན་ཚོགས།
ཁྱོད་ཀྱི་བློ་གྲོས།
ཡོད་ཚད་གཅིག་ཏུ་སྤུངས་ནས།
འཆམ་མཐུན་གྱི་སྤྱི་ཚོགས་གསར་བ་འཛུགས་སྐྲུན་བྱེད།
འབྱོར་ཕྱུག་གི་ཕ་ས་སྨུག་པོ་འཛུགས་སྐྲུན་བྱེད།
ཡབ་མེས་དག་གི་ངལ་བའི་རྩོལ་བས་རི་རབ་ཁང་ཁྱིམ་མཛེས་པར་བསྐྲུན།
བློ་གྲོས་རྣམ་དཔྱོད་མེ་རུ་སྦར་ནས་རྨོངས་པའི་མུན་པ་མཐའ་རུ་དེད།
ཐུགས་རྗེའི་པདྨོ་སྙིང་ལ་ཉར་ཏེ་འཚེ་མེད་ཞི་བདེའི་དཔལ་ལ་རོལ།
ཤར་གྱི་ཉི་གཞོན་ལ།
སྨག་མུན་སེལ་བའི་འོད་ཅིག་ཡོད།
གྲང་རེག་འཇོམས་པའི་དྲོད་ཅིག་ཡོད།
ང་ཚོས་མཚན་ལྗོངས་ལ་མེ་སྦར་ནས།
སེམས་ཀྱི་མེ་ལོང་ལ་ཕྱི་དོར་བྱེད།
སྙིང་གཏམ་གླེང་། མ་ཎི་ཟློ།
རྒྱུ་འབྲས་བརྩི།མ་ཎི་ཟློ།
རིག་གནས་བསླབ་ནས་དཔལ་ཡོན་སྤེལ།
ཚོང་ལས་སྒྲུབ་ནས་ནོར་གཡང་འགུགས།
ཉི་ཤར་འདྲ་བའི་སེམས་ཁྱེར་ནས།
མཚོ་མོ་འདྲ་བའི་སྐྱིད་ལ་རོལ།
ང་ཡི་ཕ་ཡུལ་ན།
སྐལ་ལྡན་རྒྱ་མཚོའི་བྱིན་རླབས་ཡོད།
ཞབས་དཀར་པ་ཡི་མགུར་གླུ་ཡོད།
ཙི་ན་བ་ཡི་ཧུར་སེམས་ཡོད།
མཁས་པ་བརྒྱད་ཅུའི་འཕྲིན་ལས་ཡོད།
ཕ་ཡུལ་རེབ་གོང་།
རིག་གནས་ཀྱི་ཕ་ས།
སྒྱུ་རྩལ་གྱི་ཞིང་ཁམས།
རིག་གནས་ཕ་ས།
སྟག་ཤ་རའི་གཟི་བྱིན་རྟ་གོང་དུ་འཁྱིལ་ཡོད།
སྨན་བུ་མོའི་འཛུམ་ཆུང་གཙང་ངོགས་ལ་འཐོར་ཡོད།
བརྩེ་བའི་རླབས་རིས་ཤིག་ཤིག་མཚོ་ངོགས་ལ་བབས་ཡོད།
དགའ་སྤྲོའི་གཡུ་ལོ་ལྡེམ་ལྡེམ་ནགས་རྫོང་ལ་འཁོར་ཡོད།
འཛུམ་མདངས་ཉི་འོད་ཆ་ལེར་སྤང་ཐང་ལ་ཕྱོགས་ན།
ཞེ་འདང་འོ་ཆུ་འདྲེས་ནས་གཞིས་ཁྱིམ་ཞིག་གྲུབ་ཡོང་།
རྒྱང་རིང་རྒྱང་རིང་གི
རྒྱལ་སའི་ཚོམས་ཆེན་ནས་འཁོར་བའི་རོལ་དབྱངས་ལ།
དར་ལུང་རྣ་བས་ཉན་ཡོད།
རེ་བའི་སེམས་ངོ་གཏད་ཡོད།
རྒྱང་རིང་རྒྱང་རིང་གི
གདོང་ལྔའི་ཁྲི་ཐོག་གི་སྐྱེས་བུ་རླབས་ཆེན་དེར།
དགའ་བའི་འཛུམ་མདངས་བསྟན་ཡོད།
སྨོན་པའི་དར་དཀར་ཕུལ་ཡོད།
ང་ཡི་ཕ་ཡུལ།
རིག་གནས་དཔལ་ཡོན་དར་བར་ཤོག
མཛའ་གཅུགས་མཐུན་སྒྲིལ་བརྟན་པར་སྨོན།
བུ་ཚ་རིགས་རྒྱུད་འཕེལ་བར་ཤོག
གཡང་ཁྱིམ་ནོར་གྱིས་བཀང་བར་ཤོག
བཀྲ་ཤིས་བདེ་ལེགས།
ཕུན་སུམ་ཚོགས།
བརྩེ་བའི་རླབས་རིས་ཤིག་ཤིག་མཚོ་ངོགས་ལ་བབས་ཡོད།
འཛུམ་མདངས་ཉི་འོད་ཆ་ལེར་སྤང་ཐང་ལ་ཕྱོགས་ན།
ཞེ་འདང་འོ་ཆུ་འདྲེས་ནས་གཞིས་ཁྱིམ་ཞིག་གྲུབ་ཡོང་།