歌词
作词 : 西藏病人
作曲 : 西藏病人
ཁང་སྟོང་།
ཉི་འོད་འོག་ཏུ
མཆོང་ཞིང་བརྒྱུགས་པའི
ཁ་སང་གི་བྱིས་པ་དེས
རྒྱུ་སྐར་ཁྱུ་གཅིག་བྱེ་མར་བཏགས་ཤིང
རྡུལ་ཚོན་གྱིས་སང་ཉིན་བྲིས
ཁོས་དྲི་བ་ཡོད་ཚད་གཞན་ལ་དྲིས་ཀྱང
འོན་ལྐུགས་ཀྱི་འཇིག་རྟེན་ལ་སྨྲ་བ་མེད
ཁོས་མེ་ཏོག་གསེང་དུ་དུག་སྦྲུལ་གསོས་ཏེ
དགྲ་ཤ་ལེན་པའི་ལྐོག་ཇུས་བཤམས
ཟླ་བ་མར་ངོ
ཡར་ལ་ཚེས་ཤིང
དེ་རིང་གི་གཞོན་པ་དེས
སྨུག་པ་འཐིབས་པའི་གྲོང་ཁྱེར་ཞིག་ནས
གྱེས་བྲལ་དག་འཛུམ་གྱིས་བསུ
ཁོས་གཟབ་འཆོར་སྤྲས་པའི་བུད་མེད་དག་ལ
འཇམ་མཉེན་གྱི་བརྐྱངས་ཕྱག་མང་དུ་འཚལ
ཁོས་ལྡེ་མིག་བོར་བའི་ཁང་སྟོང་ཞིག་ལ
མེ་ཁ་གསོ་ཞིང་གད་བདར་བྱེད
ཁོས་དྲི་བ་ཡོད་ཚད་གཞན་ལ་དྲིས་ཀྱང
འོན་ལྐུགས་ཀྱི་འཇིག་རྟེན་ལ་སྨྲ་བ་མེད
ཁོས་མེ་ཏོག་གསེང་དུ་དུག་སྦྲུལ་གསོས་ཏེ
དགྲ་ཤ་ལེན་པའི་ལྐོག་ཇུས་བཤམས
ཁོས་གཟབ་འཆོར་སྤྲས་པའི་བུད་མེད་དག་ལ
འཇམ་མཉེན་གྱི་བརྐྱངས་ཕྱག་མང་དུ་འཚལ
ཁོས་ལྡེ་མིག་བོར་བའི་ཁང་སྟོང་ཞིག་ལ
མེ་ཁ་གསོ་ཞིང་གད་བདར་བྱེད