歌词
གསོལ་ཇ་མངར་མོ།
ནོར་བུ་རིན་ཆེན།
ཁ་གཅིག་སྐོམ་པའི་དུས་ལ།
ཇ་ལས་ཞིམ་པ་མི་འདུག།
ཇ་ཁང་ནང་དུ་ཕེབས་མཁན།
ལས་མེད་རེད་ཟེར་མ་གསུངས།
མཁྱེན་ལྡན་དབང་མི་རྣམས་ཚོ།
འདི་ལ་ཕེབས་འདོད་གནང་གིས།
མཁྱེན་ལྡན་དབང་མི་རྣམས་ཚོ།
འདི་ལ་ཕེབས་འདོད་གནང་གིས།
ཡ་གིའི་མི་ཆེན་དཔོན་པོ།
མཛད་བྲེལ་གང་འདྲ་ཡོད་མིན།
མ་གིའི་དམངས་དང་མི་སེར།
སྐྱིད་སྡུག་གང་འདྲ་ཡོད་མིན།
ཡ་མཚན་གསར་འགྱུར་གསན་ན།
ཇ་ཁང་ནང་ལ་ཕེབས་ཤོག།
གསོལ་ཇ་མངར་མོ་མཆོད་མཁན།
གསོལ་མར་མེད་པ་མ་རེད།
ཧུབ་གང་བཏུང་བ་ཙམ་གྱིས།
ལུས་སེམས་བདེ་ལ་ཕབ་སོང་།
ཁྱེད་ལ་སེམས་ནད་ཡོད་ན།
སྐུ་རྐྱང་ནང་ལ་མ་བཞུགས།
ཇ་ཁང་ནང་གི་གཏམ་རྒྱུད།
ལྷ་སྒྲུང་ལས་ཀྱང་སྙན་པ།
སྤྱི་ཡི་རྒྱལ་ཁབ་སྐྱོང་ལུགས།
སྒེར་གྱི་འཚོ་བ་སྐྱེལ་སྟངས།
ཐབས་དང་གྲུབ་མཐའི་དངོས་གྲུབ།
ཇ་ཁང་ནང་ནས་ཐོབ་ཡོང་།
ཐབས་དང་གྲུབ་མཐའི་དངོས་གྲུབ།
ཇ་ཁང་ནང་ནས་ཐོབ་ཡོང་།
ཇ་ཁང་ནང་ནས་ཐོབ་ཡོང་།
ཇ་ཁང་ནང་ནས་ཐོབ་ཡོང་།