LYRICS
Хар хархан харц
Үг:Н.Насанжаргал
Ая:Ц.Улаантуг
Дуучин:МУГЖ Самандын Жавхлан,Гантөгсийн Эрдэнэчимэг
Хар хархан харцанд чинь
Халуун зүрх минь хайлчих гээд байна
Хайртай дуртай үгсээ би
Хашиж дийлэхгүй хэлчих гээд байна
Ирмээд харсан харцаараа
Итгэсэн сэтгэлээ өгье хоёулаа
Инээд баярын хорвоодоо
Ивээж сүжирч явъя даа хоёулаа
Бор борхон харцанд чинь
Болохгүй хайр минь буцалчих гээд байна
Бодсон санасан үнэнээ би
Бусдаас нуулгүй ярьчих гээд байна
Уяраад харсан харцаараа
Учирсан заяагаа холбоё хоёулаа
Уйлж дуулах орчлондоо
Ухаарч хайрлаж амьдаръя даа хоёулаа
Эрх эмзэг харцаараа
Эгцлэн тулаад харъя даа бие биенээ
Эргээд дахиад олдохгүй гээд
Энэ хорвоод түшье хэн хэнийгээ
Хайрлаад харсан харцаараа
Ханилахын тавилангаа түшье хоёулаа
Хатуу зөөлөнтэй хорвоодоо
Хайраараа аргадаж туулъя хоёулаа
Уяраад харсан харцаараа
Учирсан заяагаа холбоё хоёулаа
Уйлж дуулах орчлондоо
Ухаарч хайрлаж амьдаръя даа хоёулаа
Инээд баярын хорвоодоо
Ивээж сүжирч явъя даа хоёулаа