LYRICS
下晡 一个人踮厝内
西北雨 沃澹窗外的衫
外口的人 犹未转来
戆戆咧等 戆戆攑一支雨伞
为你 几若摆困袂去
全世界 揣袂着你的形影
凡势 会当共你放捒
气身恼命 我哪会拢无要无紧
踮遮规暝 看电火闪烁
我踮遮等待 拍无去的人
听厝内的声 声声伫咧吼
我踅来踅去 思念火烧房间
袂开的花 无欲转来的人
美丽的你啊 想着你彼当时 攑悬你的旗仔
路边的话 满街路雨纷飞
时代的变卦 孤单的我一个人 问天也毋捌
手内啥物拢无 只䞐我欲予你的爱
有血有肉的人 煞下落不明
共你的 记持啊 囥伫我的心内
骑你的 白马啊 行你欲行的路
风吹来 花落涂 点一欉香祈求
（南无观世音菩萨）
若准讲你 算著这出悲剧
你敢会看顾 绁落来伊头前 彼逝歹行的路
梦中的我 看你沓沓仔行
牵你的亡魂 有一工咱做伙 转去彼个所在
我 蔫去的爱
佮你 恬去的心
伫这乌暗时代
是有缘无份
写袂了的批
佮讲袂煞的话
开袂完的铳
看人去楼空
雨 微微仔落
天 微微仔光
看你 微微仔笑
后世人再会