歌词
دىلبىرىم، مەندەك غېرىب، يالغۇزمۇ سەن ،
ياكى بىپەرۋا بولۇپ يۈردۈڭمۇسەن
سەن بىلەن يۈرمەككە مەندە يوق ئىلاج،
قوللىرىم يەتمەس يىراق يۇلتۇزمۇ سەن
ئوخشىدىم كەچكۈزدىكى ياپراققا مەن،
ھەم لېۋىم ياقتىم قارا تۇپراققا مەن.
ھىجرانىڭ دەرياسىدا ئاقتىم ئۇزاق،
بىماجال مەن، يەتمىدىم قىرغاققا مەن.
كۈيلىرىمدىن ھەممىسى بىلدى مېنى،
ۋەسلىىڭ يوق كېچىلەر تىلدى مېنى.
ئاشتى چەكتىن بىر ساڭا مەپتۇنلۇقۇم،
ھەرنە قىلسا شۇ ئىشقىڭ قىلدى مېنى.
مەن پۈتۈن ئەركەك، لېكىن كۆڭلۈم يېرىم،
قالمىدى سەن بىلمىگەن بىرمۇ سىرىم،
سىنى كۈتتۈم بۇ ھايات سەھراسىدا ئىنتىزار بۇ دىل ساڭىلا دىلبىرىم