歌词
作词 : Makaveli/MC aRBOW
作曲 : Makaveli/MC aRBOW
Verse 1
我後悔講過好多過頭話
其實單純係貪口爽
記得媽咪
刮落我塊面嗰兩巴掌
我學識咗攞手擋
一焦慮就習慣要點返支
傷心事我會同杯酒講
都以為可以一直無憂無慮
直到有親戚走咗
生不逢時
眼前除咗生計
都依然有好多阻滯
返去從前
就算同班兄弟
一齊捱窮又有乜所謂
磨難 磨爛咗我嘅腳踭
話過我老要分一杯羹
反正走嗰日唔使著衫
廿一克鏟咗入骨灰龕
依舊平和嘅心態
預咗帶唔走
不愛富 不嫌貧
趟入冥河嘅分界
是否有遺憾
冇珍惜過眼前人
可能冇來生 得今世
愛恨情仇
相遇也是緣分
如果要失去先珍貴
生活的真諦
暫時保持疑問
春去冬來
增長嘅只有年齡
學識麻煩事里抽身
未到十拿九穩
都要風雨兼程
保持沖勁要收心
媽咪佢擔心緊我嘅安全
依然咁沖動
但生性拖延
習慣將經歷
濃縮入歌詞
屋企人第一
其他嘢多余
求番個護身符
最好貼身放
擺入褲袋袋實
定律係生亦不帶來
死不帶走
一切身外物
之前求富貴
而家求溫飽
已經唔去爭邊個第一第二
留低我來時嘅衣冠冢
可以再補多句
大吉利是
Verse 2(MC aRBOW)
大家都深愛緊嘅身外物
有人為咗佢害人
變咗生活嘅障礙物
唔使再問 揀財神定揀愛人
冇咗佢 親戚都當你外人
同一個答案 啱唔啱
要分開人 待人
貨拉拉同Benz都可以載物又載人
(你聽)
冇俾呢段節奏帶到
傻更更喺度䟴
呢個話題解釋
問我上一段
壓得最多嘅韻 「係人」
做個無底蘊
攞底薪嘅底層廢物
將啲身外物 睇實
每日計時計分
但結局始終唔多迷人
獲得身外物 要應從當下玩法
但我不合時宜Off Beat 踩反拍
咁就落草為寇
做個南蠻山賊
八英里
國內應該揾我做個翻拍
但你絕對唔會揾到
我係邊個嘅翻版
我自己將自己嘅路
手動調成咗困難模式
沖頭陣嘅步兵
即使受到嘅每一下
都係不留情嘅暴擊
唔單止虛榮心 仲有權力
令我不甘 一世籍籍無名
因為呢個世界
就似幫你揄完褲嘅技師
一樣冷血無情
身外物？
「Real Underground」
一樣要紙紮公仔 元寶蠟燭
焚燒嘅陰司紙
喺火盆 極限 壓縮
洋酒 燒鵝 乳豬 點心
咁好伙食 難免會發福
如果你有佢
朋友四面八通
不羈嘅新一代
都變成你嘅忠犬八公
Verse 3
搦起褲腳過河
一沉百踩
有邊個食水深
唔記得童年嘅志向
就想揾錢
其他好難再醒起身
墨鏡遮住我成殼眼淚
跌到傷咗咪縫咗幾針
見到朱門就依然酒肉臭呀
路有凍死骨
一半係因為錢困身
一半係用錢堆成嘅文學
年少口吐出嚟嘅狂言
成年後被錢推平嘅稜角
其他嘢把撚佢柒就
我擔保緊逆流時
唔會沉船
無論係坦途定倔頭
我預咗要經歷嘅
貧賤不能移