歌词
གཞས་ཚིག།ཁྲི་བཀྲ་རྒྱམ།
གཞས་གདངས།ལྷུན་འགྲུབ།
གཞས་པ། ཨོ་རྒྱན་འཕྲིན་ལས།
རོལ་མོ།ཤེར་བྷ།
གཡུ་ལོ་རྩེ་ལ།
ལྕང་མ་གཡུ་ལོ་རྩེ་ལ།
ཁུ་བྱུག་རེ་རེ་བབས་བྱུང་།
ཁུ་བྱུག་གསུང་དབྱངས་མ་རེད།
སྙན་པའི་གཞས་ཆུང་ཡིན་སོང་།
ལྕང་མ་ལགས་ཡ། ལྕང་མ་ལགས།
ལྕང་མའི་གཡུ་ལོ་ཁྲོ་ལོ་ལོ།
ཁུ་བྱུག་གསུང་དབྱངས་ལྷང་སེ་ལྷིང་།
རྒྱ་ཤིང་ཤིག་པའི་རྩེ་ལ།
རྨ་བྱ་རེ་རེ་བབས་བྱུང་།
རྨ་བྱའི་སྒྲོ་གུར་མ་རེད།
སྒེག་པའི་གར་སྟབས་ཡིན་སོང་།
ཤིག་པ་ལགས་ཡ། ཤིག་པ་ལགས།
ཤིག་པའི་དྲི་ཞིམ་ཐུ་ལུ་ལུ།
རྨ་བྱའི་གར་སྟེབས་ལྡེམ་སེ་ལྡེམ།
འབྲས་ལྡན་ལྗོན་པའི་རྩེ་ལ།
ཅོ་ཀ་རེ་རེ་བབས་བྱུང་།
ཅོ་ཀའི་དྲུག་འགྱུར་མ་རེད།
གཞོན་པའི་གླུ་སྐད་ཡིན་སོང་།
ལྗོན་པ་ལགས་ཡ། ལྗོན་པ་ལགས།
ལྗོན་པའི་འདབ་ལོ་སྔོ་ལྷེམ་ལྷེམ།
ཅོ་ཀའི་དྲུག་འགྱུར་སེང་སེ་སང་།