歌词
作词 : 王家權
作曲 : 王家權
编曲 : 珂拉琪 Collage
又閣是彼个 無代無誌想著的形影
親像一陣風 吹落來 是春風少年
坐嘛是思念 坐袂牢 真無聊的思念
倒咧眠床頂 予月娘 笑規个暗暝
我行過你的世界
啥物我攏無愛
只想欲佇你心內
寫一條歌
車行過(亻因)的期待
這站閣無落來
無想欲對誰交代
心內驚驚
想著我彼暗小可仔歹勢
予你揣著我 規身軀藏無好勢的委屈
風中的飛龍咧吼
聲聲予天搖地動
愛你的傳說寫佇頂懸
感情紲來愈飛愈懸
花開佇你蹛的樓
想當時欲綴你走
多情的雨崁著目睭
你的代誌講袂清楚
看你行過千山萬水
手內薔薇微微仔芳
行踏輕鬆跤步的我
恬恬佇遮攏無出聲
日子過一工閣一工
你的一切攏猶未放
越頭欲揣過去的我
煞來袂記家己的名
是我欲陪你流浪
長路終點滿天花雨
雺霧內底戇神
千年流轉你的世界
自作多情的人
眼前地獄家己揀的
天上 地下 人間
四方妖孽請恁退下
這繁華世間 眾生有情人
有情纏煩惱甘願受罪
心狂火著 明知會艱苦
千錯萬錯 攏佮你無關