自律祝福

作词 : 周拉加

作曲 : 加贝

རང་བྱོན་རྟེན་འབྲེལ།

自律祝福

ཚིག/འབྲུག་ལྷ་རྒྱལ།

作词/周拉加

དབྱངས/འཇམ་དབྱངས་བསྟན་འཛིན།

作曲/加央旦增

ལེན་མཁན/ཤེར་བསྟན།

演唱/谢旦

གངས་དཀར་ཏི་སེ་དབུས་གཙང་ཡུལ་དུ་བརྗིད།།

རྨ་རྒྱལ་སྦོམ་ར་མདོ་སྨད་ཡུལ་དུ་བརྟན།།

འགྱུར་མེད་དཔལ་གྱི་རྔམས་ཟིལ་ཆེ་བ་འདི།།

གངས་ཅན་བོད་མིའི་བློ་སྤོབས་མཐོ་བའི་རྟགས།།

~

མ་ཕམ་གཡུ་མཚོ་དབུས་གཙང་ཡུལ་དུ་འཁྱིལ།།

ཁྲི་ཤོར་རྒྱལ་མོ་མདོ་སྨད་ཡུལ་དུ་བལྟམས།།

དྭངས་གཙང་ཤེལ་གྱི་ཁ་མདོག་གསལ་བ་འདིི།།

གངས་ཅན་བོད་མིའི་ཡིད་སེམས་དྲང་བའི་རྟགས།།

~

ཡར་ཀླུངགཙང་བོ་དབུས་གཙང་ཡུལ་དུ་བཞུད།།

རྨ་ཀླུང་སྒེག་མོ་མདོ་སྨད་ཡུལ་དུ་རྒྱུ།།

ཆུ་རྒྱུན་ཆེན་མོ་རྒྱ་མཚོར་འབབ་པ་འདི།།

གངས་ཅན་བོད་མིའི་ཕུགས་འདུན་རིང་བའི་རྟགས།。

གཞས་ཚིག་ལེགས་སྒྲིག་བྱེད་མཁན་གཞས་པ་《ཁང་བྷོའི་》སྤྱི་སྟེགས།

歌词整理/康保贴吧