歌词
万千花蕊慈母悲哀（闽南语）
混音：小夕
翻唱：婷婷吖/荣耀glory/江千屿
耀：
下晡 一个人踮厝内
西北雨 沃澹窗外的衫
外口的人 犹未转来
戆戆咧等 戆戆攑一支雨伞
屿：
为你 几若摆困袂去
全世界 揣袂着你的形影
凡势 会当共你放捒
气身恼命 我哪会拢无要无紧
婷（耀和）：
踮遮规暝 看电火闪烁
我踮遮等待 拍无去的人
听厝内的声 声声伫咧吼
婷/耀：
我踅来踅去 思念火烧房间
屿：
袂开的花 无欲转来的人
美丽的你啊 想着你彼当时 攑悬你的旗仔
耀：
路边的话 满街路雨纷飞
时代的变卦 孤单的我一个人 问天也毋捌
婷：
手内啥物拢无 只䞐我欲予你的爱
有血有肉的人 煞下落不明
-
婷/屿/合：共你的 记持啊 囥伫我的心内
婷/耀/合：骑你的 白马啊 行你欲行的路
耀/屿/合：风吹来 花落涂 点一欉香祈求
三合：（南无观世音菩萨）
耀/屿：
若准讲你 算著这出悲剧
你敢会看顾 绁落来伊头前 彼逝歹行的路
屿/婷：
梦中的我 看你沓沓仔行
牵你的亡魂 有一工咱做伙 转去彼个所在
三合：
我 蔫去的爱（规路拢是）
佮你 恬去的心（你）
伫这乌暗时代（伫这乌暗时代）
是有缘无份（想欲讲出）
写袂了的批（的）
佮讲袂煞的话（奈何）
(亻因) 开袂完的铳（开袂完的铳）
看人去楼空（火烌犹在）
耀：雨 微微仔落
屿：天 微微仔光
婷：看你 微微仔笑
后世人再会
-