罗萨桑

专辑：罗萨

作词 : 币艾比外

作曲 : 币艾比外

དེ་རིང་བཀྲ་ཤིས་པའི་ཉི་མ་འདི་ལ།

གཞིས་བྱེས་ལྷན་མཛོམས་ཀྱི་ཉི་མ་འདི་ལ།

ང་ཚོས་མཉམ་དུ་ཞབས་བྲོ་འཁྲབ་ཞོགས།

མཉམ་དུ་སྐྱིད་པའི་གཞས་ཆུང་བླངས་ཞོགས།

མཉམ་དུ་དགའ་བའི་སྐོར་བྲོ་འཁྲབ་ཞོགས།

མཉམ་དུ་ལོ་སར་བསུ།

ལོ་སར་བཟང་།

མདོ་དབུས་ཁམས་གསུམ་གྱི་བོད་རིགས་སྤུན་ཟླ་ཚང་མ་ལོ་སར་བཟང་།

ང་དང་རིགས་མཐུན་ཀྱི་བོད་རིགས་སྤུན་ཟླ་ཚང་མ་ལོ་སར་བཟང་།

སྣང་བ་སྐྱིད་པ་ལ་ནས་གཅིག་གཉིས་གསུམ་བཞི།

བཀྲ་ཤིས་པའི་ཁ་གཡང་གཅིག་རྗེས་གཉིས་མཐུད་དུ།

རྟེན་འབྲེལ་གྱི་གླུ་ཁ་བཏགས་དཀར་པོའི་ཚུལ་དུ།

དུས་དེ་རིང་ཁྱོད་ལ་འབུལ་ནས་ཡོང་།

གཡུ་བྱུ་རུའི་རྒྱན་ཆ།

སྨན་ཤར་བུ་མོ་ཡི་མདོག་ཆ།

སེམས་འཁོར་ས་སྟག་ཤར་གཞོན་པ།

བརྩེ་བའི་ཨ་ལོང་ནི་མཐུན་པ།

རྩྭ་ཐང་སྟེང་གི་གཞོན་ནུ་ང་ཚོས་དཔའ་རྩལ་དེ་རིང་ངོམ་ངོམ།

རྒྱུན་དུ་གོ་སྐབས་མི་འདུག་ང་ཚོ་ད་ནི་བདེ་མོ་འཛོམས་འཛོམས།

ལྟོས་དང་། སྨན་ཤར་བུ་མོའི་མཛེས་ནི་ཨ་སྔོན་དགུང་གི་ཁྲུང་ཁྲུང་།

ཉོན་དང་། དགའ་བའི་དགོད་སྒྲ་དེ་དང་སྐྱིད་པའི་ཀི་སྒྲ་སངས་སངས།

གསེར་མོ་ལྗོངས་འདི་ནས་ང་ཡི་རིགས་མཐུན་སྤུན་ཟླར་མཚམས་འདྲི་ཞུ།

གསེར་དང་འདྲ་བའི་སྤུན་ཟླར་གནམ་ལོ་གསར་བར་མཚམས་འདྲི་ཞུ།

ཕེབས་ཞོགས། བཀྲ་ཤིས་པའི་དོན་མུ་མཐུད་དུ་ཕེབས་ཞོགས།

ཕེབས་ཞོགས། རྒྱང་རིང་གི་གྲོགས་པོ་མགྲོན་ལ་ཕེབས་ཞོགས།