歌词
作词 : 更关杰
作曲 : 杨秀措
编曲 : 加贝
ཚ་བ་རོང་གི་བརྩེ་འདུན།
རོལ་མོ་ལྟ་སྐུལ་པ། འཇམ་དབྱངས་བསྟན་འཛིན།
ཚིག གུར་མགོན་སྐྱབས།
དབྱངས།གཡང་ཕྱུག་མཚོ།
ལེན་མཁན། བསྟན་པའི་རྒྱལ་མཚན།གཡང་ཕྱུག་མཚོ།
རོལ་མོ། འཇམ་དབྱངས་བསྟན་འཛིན།
བསྟན་པའི་རྒྱལ་མཚན།
གནམ་ལ་ཀ་བ་ཚུགས་ས་ས་ལ་ཁྲོན་པ་ཟུག་ས།
རྒྱལ་མོ་ཚ་བ་རོང་ཡིན།
གཡང་ཕྱུག་མཚོ།
རྒོད་པོ་བྲག་ལ་སྐྱེས་ན་རལ་བར་མེ་ཏོག་ལྡེམ་པ།
ཚ་བ་རོང་གི་བུ་ཡིན།
མཉམ་ལེན
བཙན་ཚུགས་རྡོ་ལ་བརྐོས་ཡོད་གཉན་ཕུར་བྲག་ལ་ཐེབས་ཡོད།
ཆུ་ཆེན་བུ་ཡི་ལས་ཡིན།
གཡང་ཕྱུག་མཚོ།
རྒྱལ་མོ་རྔུལ་ཆུ་འབབ་ས་གསེར་གྱི་བྱེ་མ་འཕྱུར་ས།
རྒྱལ་མོ་ཚ་བ་རོང་ཡིན།
བསྟན་པའི་རྒྱལ་མཚན།
མཉེན་མོ་ནགས་ལ་སྐྱེས་ན་ལྡེམ་ཤིང་སྨྱུག་མའི་གཤིས་ཡིན།
ཚ་བ་རོང་གི་བུ་མོ།
མཉམ་ལེན།
ལྗང་ལོ་ཐང་ལ་ལྷུང་ན་ཆུ་མོས་རྒྱང་ལ་འཁྱེར་བ།
རོང་བྲག་བུ་མོའི་ལས་ཡིན།
བསྟན་པའི་རྒྱལ་མཚན།
བུ་མོ་སྤ་རས་ཅན་མའི་ལག་འཇམ་གསེར་གྱི་འཁྲི་ཤིང་།
སྒེག་འཛུམ་འདབ་ལོ་འཐོར་བ།
གཡང་ཕྱུག་མཚོ།
བུ་ཆུང་དགྲ་ལྷ་ཅན་གྱིས་བསོད་ནམས་ཟོང་གིས་ཁུགས་ན།
ཚ་བ་རོང་ནས་མཇལ་ཡོང་།
མཉམ་ལེན།
མཛེས་སྡུག་ལྷ་ཡི་བུ་ཆུང་མཚར་སྡུག་ཀླུ་ཡི་བུ་མོ།
ཚ་བ་རོང་ནས་མཇལ་ཡོང་།