歌词
作词 : 琼赛更藏
作曲 : 南木卡
编曲 : 谢尔巴
ས་ཆེན་པོ་རི་བོའི་ཕྲ་རྒྱན་ཅན།།
རི་ཆེན་པོའི་དབུ་ལ་གངས་ཀྱིས་གཡོགས།།
གངས་དཀར་པོའི་འདབས་ན་ཕ་ཡུལ་ཡོད།།
ངའི་ཕ་ཡུལ་ཕ་ཁུའི་གཏམ་དང་འདྲ།།
ཞང་ཡ་རེ་ལོ། ཡ་རེ་ལོ།
ཕ་ཨ་ཁུའི་སྙིང་གཏམ་སྲིད་པའི་གཏམ།།
གཏམ་སྙན་མོའི་ནང་ན་དྲོད་ཅིག་ཡོད།།
སྤང་ཡག་མོ་ཆུ་བོའི་སྐེ་རྒྱན་ཅན།།
ཆུ་གཙང་མོ་དབྱངས་ཀྱི་འགྱུར་ཁུགས་ཅན།།
ཆུ་དངས་མོའི་འགྲམ་ན་ཕ་ཡུལ་ཡོད།།
ངའི་ཕ་ཡུལ་མ་སྲིའི་བཞོ་དབྱངས་འདྲ།།
ཞང་ཡ་རེ་ལོ། ཡ་རེ་ལོ།
མ་སྲི་མོའི་བཞོ་དབྱངས་ཚངས་པའི་མགུར།།
མགུར་སྙན་མོའི་ནང་ན་འདང་ཞིག་ཡོད།།
སྦྲ་སྨུག་པོའི་དུ་ཞག་སྤང་ལ་འཁྱིལ།།
སྤང་ཡངས་མོ་གཡང་དཀར་ལུག་གིས་བཟུང་།།
གཡང་ལུག་ཆུང་རོག་མོ་ནོར་ལ་འདྲེས།།
ཕྱུགས་ཁྲ་ཁྲའི་རུ་མ་སྣུམ་སེ་སྣུམ།།
ཞང་ཡ་རེ་ལོ། ཡ་རེ་ལོ།
ངའི་ཕ་ཡུལ་གཡང་གི་འཕེལ་ཁ་ཡིན།།
གཡང་ཆེན་པོའི་ཡུལ་ན་བཅུད་ཅིག་ཡོད།།