纳木措圣水

作词 : 热西·嘎玛桑登

作曲 : 索当珠

编曲 : 索当珠

མཐོ་སྒང་གི་དགུང་ནས་བབས་པའི་སྤྲིན་དཀར་གྱི་ཉིང་ཁུ་དེ། །

མེ་ཏོག་གི་རྩི་བཅུད་ཕབ་པའི་ཞིམ་མངར་གྱི་བདུད་རྩི་དེ། །

ལུས་ཟུངས་ཀྱི་ཁམས་ལ་འཕྲོད་པའི་རང་བྱུང་གི་སྨན་ཆུ་སྟེ། །

ཐང་ལྷ་ཡི་པང་ནས་འཁྲུངས་པའི་གནམ་མཚོ་ཡི་ལྷ་ཆུ་རེད། །

ཨ་ལ་ཡེ་་་་་་་་་་་་

མཛའ་མཐུན་གྱི་གྲོགས་པོ།

དྲི་མེད་ཀྱི་ལྷ་ཆབ་འདི་བཞེས་དང་།

ཁྱེད་ལ་བདེ་ཐང་གི་གསོན་ཉམས་ཤིག་དང་།

བག་ཡངས་ཀྱི་ངལ་གསོ་ཞིག་ཡོང་ངེས།

གངས་རི་ཡི་ཐོད་ལ་བརྩེགས་པའི་ཁ་བ་ཡི་འདབ་མ་དེ། །

རྫ་རི་ཡི་ཁོག་ནས་བཞུར་བའི་དྭངས་བསིལ་གྱི་གཏེར་ཆུ་དེ། །

སྐོམ་ཚད་ཀྱི་སྡུག་བསྔལ་འཇོམ་པའི་མི་ཡུལ་གྱི་བདུད་རྩི་སྟེ། །

དྭངས་གཙང་གི་གནས་ནས་ཐོན་པའི་གནམ་མཚོ་ཡི་ལྷ་ཆུ་རེད།

ཨ་ལ་ཡེ་་་་་་་་་་་་

ཐག་རིང་གི་མགྲོན་པོ།

དྲི་མེད་ཀྱི་ལྷ་ཆབ་འདི་བཞེས་དང་།

ཁྱེད་ལ་དྭངས་གཙང་གི་བསུ་མ་ཞིག་དང་།

ལྷད་མེད་ཀྱི་སྨོན་ལམ་ཞིག་མཚོན་ཡོད།