歌词
སྙིང་གི་དགའ་ལོ།
ལས་སྐྱེ་བ་མཐུན་པའི་མི།
ངའི་སྙིང་གི་དགའ་ལོ།
ཁ་མནའ་ཚིག་བརྗེད་པ་མེད་ན།
མདངས་བརྩེ་བ་མི་འགྱུར།
ལས་སྨོན་ལམ་གཅིག་པའི་མི།
ཚེ་གཅིག་ལ་མཉམ་དུ་འགྲོ།
མི་ཚེ་ལ་བར་ཆད་མེད་ན།
སེམས་བརྩེ་བ་མི་འགྱུར།
སེམས་བརྩེ་བ་ཟབ་པའི་མི།
སེམས་ནང་གི་ནོར་བུ།
འཇིག་རྟེན་འདི་མ་འགྱུར་ན།
བརྩེ་བ་འདི་མི་འགྱུར།
འུ་གཉིས་ལ་འགྱུར་བ་ཆེ་ན།
མི་ཚེ་ཡི་སྡུག་རེད།
བརྩེ་དུང་ལ་རིན་ཐང་མེད་ན།
འཁོར་བ་ཡི་སྡུག་རེད།
སྙིང་དམར་པོ་གཏད་ས་ཁྱོད་རང་ཡིན།
ངའི་སེམས་ཀྱི་དགའ་ལོ།
སྙིང་དམར་པོ་གཏད་ས་ཁྱོད་རང་ཡིན།
ངའི་སེམས་ཀྱི་དགའ་ལོ།
རྩི་མེ་ཏོག་སྤང་ལ་མཛེས།
ཆར་ཟིམ་ཟིམ་བབས་ན་མཛེས།
མཁའ་དབྱིངས་ལ་འཇའ་ཚོན་ཤར།
འཇིག་རྟེན་གྱི་མིག་ལ་མཛེས།
རོགས་ན་ཟླ་འགྲོ་ས་ཁྲོམ།
སེམས་བརྩེ་བས་རྒྱན་ན་མཛེས།
བརྩེ་དུང་གི་མགུལ་རྒྱན་འདི།
རོགས་མགུལ་དུ་བསྒྲོན་ན་མཛེས།
ངའི་ལག་གི་མགུལ་རྒྱན་དམར་པོ་འདི།
རོགས་ཁྱོད་ཀྱི་དྲན་རྟེན་ཡིན།
ཞེ་མཐུན་པའི་རྡོ་ཡི་རི་མོ།
འུ་གཉིས་ཀྱི་སྙིང་ལ་འབྲི།
མི་འགྱུར་བའི་མནའ་ཚིག་འདི།
སྙིང་དམར་པོའི་དམ་ཚིག་ཡིན།
སེམས་མཐུན་སའི་དགའ་ལོ་ཁྱོད།
ངའི་མི་ཚེའི་སྐྱ་ཡ་ཡིན།
སྙིང་དམར་པོ་གཏད་ས་ཁྱོད་རང་ཡིན།
ངའི་སེམས་ཀྱི་དགའ་ལོ།
སྙིང་དམར་པོ་གཏད་ས་ཁྱོད་རང་ཡིན།
ངའི་སེམས་ཀྱི་དགའ་ལོ།