LYRICS
作词 : Abdurahman Kamal
作曲 : Yusupjan Qari
كەتتى بىر جۈپ قېرىنداش
سۆزى: ئابدۇراخمان كامال
مۇزىكىسى: يۈسۈپجان قارى
ناخشىدا: يۈسۈپجان قارى
♪
چاقماق دەريا كەينىگە
تەتۈر بولۇپ ئاقتىمۇ
ياكى ئوچۇق ئاسماندا
ساڭا چاقماق چاقتىمۇ
بىلەلمىدىم تۈنمۇ بۇ
ياكى تاڭلار ئاتتىمۇ
بىزنى تاشلاپ كەتتىڭغۇ
ئەجەپ بالدۇر مەخمۇتجان
بىزنى تاشلاپ كەتتىڭغۇ
ئەجەپ بالدۇر ئەخمەتجان
♪
بىر جۈپ يۇلتۇز ئىدىڭلار
ئاكا-ئۇكا ياراشقان
شۇڭا ئەلمۇ سىلەرگە
ھەۋەس بىلەن قاراشقان
قېرىنداش دەپ ئەخمەتتىن
سەن ئەجەلنى تالاشقان
ئامالىڭ يوق چىدىماي
بىللە كەتتىڭ مەخمۇتجان
ئامالىڭ يوق چىدىماي
بىللە كەتتىڭ ئەخمەتجان
♪
قېرىنداش دەپ چىدالماي
سەنمۇ كۆيدۈڭ شۇ ئوتتا
رەخمۇتۇللا ئەركەكتەك
جاننى بەردى بۇ يولدا
يۈرەك پارە مىڭ پارە
ئۈچ جان كەتتى ئەلۋىدا
قىران كەتكەن سىلەرگە
يۇرت يىغلىدى مەخمۇتجان
قىران كەتكەن سىلەرگە
ئەل يىغلىدى ئەخمەتجان
♪
يىغلاپ قالدى چوڭلۇرۇڭ
كەتتى بىر جۈپ بالام دەپ
يىغلاپ قالدى سەبىيلەر
نەدە مېنىڭ دادام دەپ
يىغلاپ قالدى گۈلۈڭمۇ
كۆزۈم نۇرى قارام دەپ
كېتىپ قالدىڭ ئەجەب بىر
نۆۋەت بۇزۇپ مەخمۇتجان
كېتىپ قالدىڭ ئەجەپ بىر
نۆۋەت بۇزۇپ ئەخمەتجان
♪
كېلەلمەيسەن نە ئامال
كۆز ياش تۆكۈپ يىغلىساق
ئۆرتىنىدۇ يۈرەكلەر
ئەمما سېنى ئويلىساق
ئەخمەت نەدە مەخمۇتچۇ
ھېچكىم بىلمەس سورىساق
بىزنى تاشلاپ كەتتىڭغۇ
ئەجەب بالدۇر مەخمۇتجان
بىزنى تاشلاپ كەتتىڭغۇ
ئەجەپ بالدۇر ئەخمەتجان
بىزنى تاشلاپ كەتتىڭغۇ
ئەجەب بالدۇر مەخمۇتجان
♪