LYRICS
作词 : Fan尔
作曲 : Fan尔
编曲 : Fan尔
ئاپا ، بالاڭنىڭ ساڭا دەيدىغان سۆزى بار
ئەلۋەتتە ، بۇ سۆزنىڭ بېشى رەھمەتتىن باشلىنىشى كېرەكتى
سەن ماڭا بىر دۇنيا بىر بۆشۈك
دادام ماڭا يۆلەنچۈككەن بىر تېرەكتى
ئەمما بۈگۈن دەيدىغىنىم باشقىچە ، چۈنكى سىلەر بەرگەن ماڭا شۇ جۈرەتنى
توغرا ، ماڭا ياخشى بولسۇن دېدىڭلار
ئاش تاماقنىڭ ئورنىدا غېمىمنى يىدىڭلار
ماڭا يېمەي يېگۈزۈپ كەيمەي كەيگۈزۈپ
ئەمما يىقىلغان چاغدا توپاقنى قاق دېمىدىڭلار
ئورۇنسىز بەتخەتچىلىك ئىسراپچىلىققا ياق دېمىدىڭلار
پۇتبول تېپىشكە ئامراق ئىدىم ، ئەمما سىلەر يىقىلىپ كەتمىسۇن دەپ تەگكۈزمىدىڭلار
دوستلۇرۇم بىلەن دالا سەيلىسىگە بارغۇم بار ئىدى
قوغلىشىپ ئوينىغۇم بار ئىدى
ماڭا زىيادە كۆيۈنۈپ جىق ھېكمەتنىڭ تېگىگە يەتكۈزمىدىڭلار
دوستلۇرۇم ئارىسىدا پارنىك بالىسى دەپ لەقەم قويغانلار بولدى
ئاستا ئاستا ئۇلاردىن يىراقلاشتىم يالغۇز ئوينايدىغان بولدۇم
ناخشا ئېيتىشقا قىزىقتىم ، ئەمما ئىستىقبالى بولمايدۇ دەرسىڭنى تەكرار قىل دېدىڭلار
نارازىلىق بىلدۈرسەم بىزمۇ سەن ئۈچۈن ياخشى بولسۇن دەيمىز
دېگەن گەپ يەنە تەكرارلاندى
قوشنىلارنىڭ بالىسى بىلەن سېلىشتۇردۇڭلار
قوشنىلارنىڭ بالىسى ھەۋەس قىلىدىغان شارائىتقىمۇ ئېرىشتۈردۈڭلار
ئەمما بالام نېمە ئىش قىلغۇڭ بار ، نېمىگە قىزىقىسەن ، نېمىگە ئىنتىلىسەن
بۇنداق سوئاللار ئارىمىزدا كەمدىن كەم بولاتتى
ئۆزۈمنىڭ خاھىشى بويىچە ئىش قىلغۇم بار ئىدى
نېمىشقا تايىنى يوق ئىشلارغا ئىنتىلىسەن دەپ مەن ئۈچۈن قىلغانلىرىنى پىشانەمگە قوياتتى
مېنىڭمۇ يېزىلاردا بالىلار بىلەن سۇغا چۆمۈلۈپ ئات مىنگۈم بار
توپا يوللاردا يالاڭ ئاياغ يۈرۈپ كەپسىزلىك قىلغۇم بار
كىيىملىرىڭنى مەينەت قىلىۋېتىسەن دەپ گەپنى ئۈزدۈڭ ئاپا
تولۇق ئوتتۇرا پۈتكەن ساۋاقداشلار يىغىلىشىدا ئېچىلىپ ئويناپ
شۇ چىرايلىق قىز ساۋاقدىشىم بىلەن بىر قېتىم تاڭسا ئوينىغۇم بار ئىدى
ئىشىكتىن چىققاندا ئوغۇل بالا دېگەن سورۇنلاردا چوڭ سۈپەت بولۇشى كېرەك
دەپ گەپنى ئۈزدۈڭ دادا
تولۇق ئوتتۇرا پۈتتى ئالىي مەكتەپكە چىقتىم
تۆمۈر تاۋاق ئەڭ ياخشى تاللاش بولدى
چۈنكى سەن ئۈچۈن ياخشى دېدىڭلار
ئۆزۈمنىڭ ئوقۇغۇسى يوق ، ئەمما سىلەر تىرىشىپ ياخشى ئوقۇ ئۆزۈڭنىڭ كەلگۈسى
يەنە سەن ئۈچۈن ياخشى دېدىڭلار
جېنىم ئاپا ، مېنى دەپ قورۇق باستى يۈزۈڭنى
جېنىم ، دادا ئىسىمنى بىلگەندىن ھازىرغىچە يېرىپ باقمىدىم سۆزۈڭنى
سىلەرگە ئىلتىماس دادا ، ئاپا ماڭا ھەقىقىي ياخشى بولسۇن دېسەڭلار
ئۈزۈم تاللىغىنىم ياخشىسى بولسۇن
يىغا قاپلىمىسۇن بىر جۈپ كۆزۈمنى