歌词
作词 : 无名者
作曲 : 仁青闹日
编曲 : 瓜尔阿索
བརྩེ་འདང་རི་མོ་ཅན།
དབྱངས རིན་ཆེན་ནོར་བུ།
ཚིག མིང་མེད།
གཞས་མ། དབྱངས་ཅན་ལྷ་མོ
~X~
ངས་ཕར་བལྟས་ཕར་ལ་བལྟས་ན།།
རི་མཐོན་པོ་སྨུག་པ་ཅན་པོ།།
སྤྲིན་དཀར་དམར་གཉིས་ཀྱི་མཚམས་ན།།
ཆུང་བྱམས་པ་འདྲ་ལེར་ཡོད་གི།།
ཆུང་བྱམས་པའི་བརྩེ་བའི་རིང་མོ།།
ལོ་ཟླ་བའི་བཞུར་རྒྱུན་ཁྲོད་ནས།།
མདངས་མི་འགྱུར་བཞུགས་རྒྱུ་བྱུང་ན།།
སྤང་མེ་ཏོག་འདྲ་ལེར་ཡོད་གི།
~X~
ངས་སེམས་པ་རྒྱང་ལ་འཕྲེང་ནས།།
འདང་བརྩེ་བའི་རྣ་ཏོག་བསླེས་ན།།
ཁྱོའི་སེམས་ཀྱི་ཤོག་དཀར་ངོས་ལ།།
ངའི་གཟུགས་རིས་ཡོད་གི་འེ་རེད།།
ངས་ཚིག་གསུམ་དར་གྱི་མདུད་པ།།
ཆུ་ཆུང་ཆུང་ཞིག་ལ་བཤད་ན།།
ཆུ་ཆུང་ཆུང་བཞུར་སྒྲ་སྙན་མོ།
ཆུང་བྱམས་པའི་ཨ་ལན་འདྲ་ལེར།།
ངས་ཚིག་གསུམ་དར་གྱི་མདུད་པ།།
ཆུ་ཆུང་ཆུང་ཞིག་ལ་བཤད་ན།།
ཆུ་ཆུང་ཆུང་བཞུར་སྒྲ་སྙན་མོ།
ཆུང་བྱམས་པའི་ཨ་ལན་འདྲ་ལེར།།
~X~
གླུ་གཞས་ཁྱབ་སྤེལ། ཤེར་བསྟན་འཕྲིན་སྟེགས་ལས་སྒྲུབ་ཁང་།