LYRICS
作词 : abdurazak
作曲 : Mamattursun Kurban
编曲 : Xawkat Is'han
ئەي ھايات
شېئرى : ئابدۇرازاق
مۇزىكىسى: مەمەت تۇرسۇن قۇربان
ئاككوردلاشتۇرغۇچى : شەۋكەت ئىسخان
ھاياتتا ياشىدۇق دەيمىز
بەلكىم ھايات بىزدە ياشىدى ھەم ياشنىدى
بىزگە مېھمان بولدى
گاھىلىرىمىزغا بالدۇر كېلىپ بالدۇر كەتتى
گاھىلىرىمىزنىڭ باغرىدا خىلى ئۇزۇن ياشىدى
بىز ئۇنىڭغا قانمىدۇق
گاھىدا ھاياتمۇ بىزگە قانمىدى
ئەنە شۇ خېياللىرىمىزنى كۈيگە قاتتۇق
ئۆزىمىز ئېيتىپ يەنە ئۆزىمىز ئاڭلىدۇق
ئېتىراپ قىلىمىز ، شۇنىڭغا ئىقرارمىز
بىز ھاياتنى باغاشلاپ ياشىدۇق
بۈگۈن ئاخشام ھايات بىزگە مۇنداق پېچىرلايدۇ
بۈگۈن ئاخشام كۆڭۈل ئاخشىمى بىز ھاياتقا مۇنداق پىچىرلايمىز
ياشىسام بىركۈنى كۈلۈپ تۆكۈلۈپ
ياشىدىم بىر كۈنى ئۆكسۈپ ئۆكۈنۈپ
يەلكەمدە ئېغىر يۈك دىللىرىمدا ھاياجان
ئەي ھايات سېنىڭدىن كۈتكەنلىرىم كۆپ
ئەي ھايات سېنىڭدىن كۈتكەنلىرىم كۆپ
زىمىستان كەلگەندە قارلىرىڭ ياغسا
باھارىڭ ئېرىقىدا ئەگىزلەر ئاقسا
يازلىرىڭ بېغىدىن ئالتۇن كۈز باقسا
ئەي ھايات سېنىڭدىن كۈتكەنلىرىم كۆپ
گۈل بولۇپ ئېچىلاي قىلغىن ئىتىبار
پېقىرنىڭ ياشاشقا ئىتقادى بار
گۈل بولۇپ ئېچىلاي قىلغىن ئىتىبار
پېقىرنىڭ ياشاشقا ئىتقاتى بار
بىر سەن ئۈچۈن چەكسىز ئىپتىخار
ئەي ھايات سېنىڭدىن كۈتكەنلىرىم كۆپ
ئەي ھايات سېنىڭدىن كۈتكەنلىرىم كۆپ
بۇ دەم كۈنلەرگە شۈكۈر ئېيتىمەن
يول بەرسەڭ كۆكلەرگە ھامان يېتىمەن
تۇغۇلدۇم ھامىنى ئۆلۈپ كېتىمەن
ئەي ھايات سېنىڭدىن كۈتكەنلىرىم كۆپ
ئەي ھايات سېنىڭدىن كۈتكەنلىرىم كۆپ