歌词
作词 : 门卫布
作曲 : 索秀达杰
ཨ་མ་མ་ལོ།
ཚིག སྨིན་དབུས་པོ།
དབྱངས། སོག་ཤོད་དར་རྒྱས།
ལེན་མཁན། ཚེ་དབང་ལྷ་མོ།
འཇིག་རྟེན་མི་ཡུལ་དག་པའི་ཞུང་རེད།།
མི་ལུས་ལོན་པ་ཨ་མའི་དྲིན་ཡིན།།
མ་ལོའི་ཐུགས་རྗེ་རྒྱ་མཚོའི་ཟབ་རེད།།
ཨ་མ་མ་ལོ་འཇིག་རྟེན་མགོན་ཡིན།།
ཤེས་བྱ་ཡོན་ཏན་ནོར་བུའི་མཛོད་རེད།།
སློབ་སྦྱོང་གོ་སྐབས་ཨ་མའི་དྲིན་ཡིན།།
མ་ལོའི་བརྩེ་སྐྱོང་ནམ་མཁའི་ཡངས་རེད།།
ཨ་མ་མ་ལོ་ཤེས་རབ་མིག་ཡིན།།
ལྟ་སྤྱོད་སྣ་ཚོགས་གྱང་ཁའི་རྩ་རེད།།
བླང་དོར་ཤེས་པ་ཨ་མའི་དྲིན་ཡིན།།
མ་ལོའི་ཁ་ཏ་བདུད་རྩིའི་སྨན་རེད།།
ཨ་མ་མ་ལོ་འཚོ་བའི་རྐང་ཡིན།།
བསྡད་ན་ཨ་མ་ཁྱིམ་གྱི་དྲོད་རེད།།
སོང་ན་མ་ལོ་སེམས་ཀྱི་རྟེན་ཡིན།།
མདོར་ན་ཡོད་ཚད་ཨ་མའི་དྲིན་རེད།།
ཨ་མ་མ་ལོ་ཚེ་རིང་ལོ་བརྒྱ།།